FƏALİYYƏTİMİZ

30.04.2018

Sumqayıt şəhərində sosial tərəfdaşların iştirakı ilə dəyirmi masa təşkil edilmişdir.

     27 aprel 2018-ci il tarixində Sumqayıt Əmək Birjasında “Sığorta ödənişini alan şəxsin işsiz kimi qeydiyyata alınma və ya yenidən qeydiyyata alınma şərtlərinin və müddətlərinin müəyyən edilməsi QAYDASI barədə işəgötürənlərin məlumatlandırılması” mövzusunda  dəyirmi masa keçirilmişdir. Tədbirdə Sumqayıt Şəhər İcra Hakimiyyəti, Şəhər Həmkarlar İttifaqı komitəsi, 38 işəgötürən müəssisə və təşkilatın nümayəndələri iştirak etmişlər.

 

30.04.2018

Qusar və Xaçmaz rayonlarında “Peşə seçimində valideynlərin rolu” mövzusunda növbəti peşəyönümü tədbirləri keçirilmişdir.

30.04.2018-сi il tarixdə Dövlət Məşğulluq Xidməti tərəfindən Qusar və Xaçmaz rayon   Məşğulluq Mərkəzlərinin təşkilatçılığı ilə Qusar rayon Balaqusar kənd tam orta  və Xaçmaz rayon 4 saylı tam orta məktəblərində “Peşə secimində valideynlərin rolu” mövzusunda peşəyönümü tədbiri keçirilmişdir.

Tədbirlərdə Təhsilin İnnovatov İnkişafı Mərkəzinin təlimçisi Nərmin Məmmədova, Dövlət Məşğulluq Xidmətinin nümayəndəsi Sevinc Şəmmədova, Məşğulluq Mərkəzlərinin direktoru, Mərkəzin kollektivi, şagirdlər və valideynlər iştirak etmişlər.

 

30.04.2018

Şabran və Siyəzən rayonlarında yuxarı sinif şagirdlərin və valideynlərin iştirakı ilə peşəyönümü tədbirləri keçirilmişdir.

30 aprel 2018-ci il tarixində Şabran şəhər Məmmədağa Nəzirov adına 4 saylı orta məktəbdə və Siyəzən şəhər 6 saylı məktəb-liseydə “Düzgün peşə seçimində valideynlərin rolu” mövzusunda yuxarı sinif şagirdləri və onların valideynlərinin iştirakı ilə növbəti peşəyönümü tədbirləri keçirilmişdir. Tədbirlərdə məktəblərin direktorları Elnur Səfərov və Yeganə Əliyeva, müəllim və psixoloqları, eləcə də Dövlət Məşğulluq Xidmətinin mütəxəssisi Rəşad Əsgərli, “Təhsilin İnnovativ İnkişafı Mərkəzi”nin təlimçisi Seymur İlham və Məşğulluq Mərkəzlərinin rəhbərliyi və kollektivi iştirak etmişlər.

 

28.04.2018

Məşğulluq Xidmətinin modernləşdirilməsi layihəsi çərçivəsində İsveç Krallığının, Litva və Avstriya Respublikalarının ekspertlərinin yerli Məşğulluq Mərkəzlərinə səfərləri təşkil olunmuşdur.

 Azərbaycan Respublikasında dövlət məşğulluq xidmətlərinin modernləşdirilməsində Əmək və Əhalinin Sosial Müdafiəsi Nazirliyinə dəstək” adlı tvinninq layihəsi çərçivəsində 2017-ci ilin noyabr ayından başayaraq Litva, Avstriya Respublikalarının və İsveç Krallığının ekspertlərinin Əmək və Əhalinin Sosial Müdafiəsi Nazirliyinə səfərləri təşkil olunur.  

Səfər zamanı bir sıra görüşlər təşkil olunaraq Məşğulluq Xidməti orqanlarının fəaliyyət istiqamətləri, məşğulluq sahəsində qəbul olunmuş yeni normativ hüquqi aktlar, həyata keçirilən aktiv və passiv məşğulluq tədbirləri, mövcud elektron xidmətlər, sosial tərəfdaşlıq çərçivəsində görülən işlər, sahibkarlıq fəaliyyəti ilə məşğul olmaq istəyən işaxtaran vətəndaşlar üçün keçirilən təlimlər və onlara verilən subsidiyalar haqqında, eləcə də Məşğulluq Xidməti orqanlarına işə qəbul prosessi barədə tərəflər arasında qarşılıqlı fikir mübadiləsi aparılır.

28.04.2018

Şamaxı rayon Heydər Əliyev Mərkəzində və Qobustan şəhər 3 saylı orta məktəbdə peşəyönümü tədbirləri keçirilmişdir.

27 aprel 2018-ci il tarixində Şamaxı rayon Heydər Əliyev Mərkəzində və Ağasəf Qayıblı adına Qobustan şəhər 3 saylı orta məktəbdə şagirdlərin, müəllimlərin və psixoloqların iştirakı ilə peşəyönümü məsləhətinə həsr olunmuş tədbirlər keçirilmişdir. Tədbirlərdə həmçinin Məşğulluq Mərkəzlərinin mütəxəssisləri, “Təhsilin İnnovativ İnkişafı Mərkəzi”nin təlimçisi Seymur İlham, Dövlət Məşğulluq Xidmətinin nümayəndəsi Rəşad Əsgərli iştirak etmişlər.

 

27.04.2018

Sabirabad və Saatlı rayonlarında “Peşə seçimində valideynlərin rolu” mövzusunda növbəti peşəyönümü tədbiri keçirilmişdir.

Peşə seçimi insanın cəmiyyətdəki yerini, yaşayış standartlarını və sosial çevrəsini müəyyənləşdirən çox önəmli bir qərardır. Bu qərarı verərkən valideynlər yalnış qərar qəbul etməməlidirlər. Övladlarını qardaş və qonşu uşaqları ilə müqayisə etmək, özlərinin reallaşdıra bilmədikləri arzularını uşaqlarının həyata keçirmələri istəyi, valideyn peşəsini davam etdirməsi kimi basqı və övladlarını peşə seçməyə məcbur etmək ailələrin ən çox qəbul etdiyi yalnış qərarlardan biridir. Son qərarı ailələr deyil, uşaqlar verməlidir, seçiləcək sənət özlərin deyil uşaqların sənətidir. Bununla bağlı Dövlət Məşğulluq Xidməti tərəfindən 27 aprel 2018-ci il tarixində Sabirabad rayon 6 saylı tam orta və Saatlı rayon Nəsimikənd kənd orta məktəblərində “Peşə seçimində valideynlərin rolu” mövzusunda tədbir keçirilmişdir.