FƏALİYYƏTİMİZ

01.02.2010

Dövlət Məşğulluq Xidməti aktiv tədbirlərə üstünlük verir.

Yanvarın 26-da Əmək və Əhalinin Sosial Müdafiəsi Nazirliyinin Baş Məşğulluq İdarəsi tərəfindən işaxtaran və işsiz vətəndaşların sosial müdafiəsinin gücləndirilməsi, onların münasib işlərlə təmin olunması istiqamətində 2009-cu il ərzində həyata keçirilən tədbirlərə və onların nəticələrinə həsr olunmuş mətbuat konfransı keçirilib. Konfransda jurnalistləri səmimi salamlayan ƏƏSM Nazirliyinin Baş Məşğulluq İdarəsinin rəisi Anar Bədəlbəyli ümumdünya maliyyə böhranına baxmayaraq, 2009-cu ildə respublikamızın sosial-iqtisadi inkişaf dinamikasının davam etdiyini, həmçinin yeni iş yerlərinin yaradıldığını qeyd edib, Dövlət Məşğulluq Xidmətinin iqtisadi inkişaf zəminində yaranan imkanlardan maksimum istifadə etməklə daha çox aktiv məşğulluq tədbirlərinə üstünlük verdiyini diqqətə çatdırıb.

01.02.2010

Sumqayıt şəhərində əhalinin məşğulluq səviyyəsinin yüksəldilməsinə diqqət artırılır.

Son illərdə olduğu kimi 2009-cu ildə milli iqtisadiyyat sektorlarının sürətli inkişafı və regionların iqtisadi sıçrayışı nəticəsində ölkə üzrə əmək ehtiyatları potensialından səmərəli istifadə edilməsinə münbit şərait yaranmış, iqtisadi yüksəlişə nail olunmuşdur.

13.01.2010

Nəsimi rayon Məşğulluq Mərkəzində işəgötürənlərin əmək bazarında yeri mövzusunda Dəyirmi Masa keçirilmişdir

Azərbaycan Respublikası özünün sosial-iqtisadi inkişafında keyfiyyətcə yeni mərhələyə qədəm qoymuşdur. Ölkədə bütün resurslardan, o cümlədən əmək ehtiyatlarından səmərəli istifadəni təmin etməklə, iqtisadi cəhətdən güclü və yüksək sosial standartlara malik cəmiyyətin qurulması bu mərhələnin əsas məqsədidir. Müasir mərhələdə dövlət məşğulluq siyasətinin gücləndirilməsi bu sahədə mövcud olan problemlərin həlinə və əhalinin səmərəli məşğulluğunun təmin edilməsinə istiqamətlənir. Yeni iş yerlərinin açılması və müvəqqəti sərbəstləşmiş işçi qüvvəsinin sosial müdafiəsi məsələləri sahəsində görülən tədbirlərlə yanaşı, bu gün əmək bazarının sosial-iqtisadi inkişaf templərinə və xüsusiyyətlərinə uyğunlaşma mexanizminin müasir səviyyədə qurulması, ölkənin əmək potensialından daha dolğun istifadə edilməsi dövlətin diqqət mərkəzində olan məsələlərdəndir.

29.12.2009

Uşağın anadan olmasına görə sosial müavinət 50 faiz artırılıb

Azərbaycan Prezidenti İlham Əliyev 23 dekabr 2009-cu il tarixdə «Uşağın anadan olmasına görə müavinətin məbləğinin artırılması haqqında» Fərman imzalayıb.
Ölkəmizdə uşaqlı ailələrin sosial müdafiəsini gücləndirmək məqsədi ilə imzalanmış sənədə əsasən, uşağın anadan olmasına görə sosial müavinət 50 faiz artırılaraq 75 manat məbləğində müəyyən edilib.

29.12.2009

Hər bir vətəndaş Prezident qayğısını öz rifahında hiss edir

Dekabrın 25-də Sumqayıt şəhərində 36 mənzilli yaşayış evi Azərbaycanın ərazi bütövlüyü və Konstitusiya quruluşu uğrunda savaşlarda fiziki sağlamlığını itirmiş həmvətənlərimizin istifadəsinə verilib.
Əlil və şəhid ailələrini yeni mənzillə təmin olunmaları münasibətilə təbrik edən nazir müavini İlqar Rəhimov bildirib ki, möhtərəm Prezidentimiz cənab İlham Əliyevin həyata keçirdiyi və respublikamıza bütün sahələrdə uğurlar gətirən siyasətin əsasında insan amili, Azərbaycan vətəndaşlarının rifah halının yaxşılaşdırılması məsələsi dayanır.

29.12.2009

Əmək və Əhalinin Sosial Müdafiəsi Nazirliyinin mətbuat xidmətinin məlumatı

Dekabrın 16-da Əmək və Əhalinin Sosial Müdafiəsi nazirinin müavini Natiq Məmmədov ölkəmizdə rəsmi səfərdə olan Rusiya Federasiyasının Həştərxan vilayətinin vitse-qubernatoru-hökumət sədri Konstantin Markelovun başçılıq etdiyi nümayəndə heyətini qəbul edib.
       Dövlət başçısının uğurlu daxili və xarici siyasəti nəticəsində respublikamızda iqtisadi tərəqqi tempinin davamlı xarakter aldığını, hətta ümumdünya maliyyə-iqtisadi böhranı şəraitində belə ölkə iqtisadiyyatında inkişaf dinamikasının davam etdiyini konkret göstəricilər əsasında diqqətə çatdıran nazir müavini Natiq Məmmədov həmçinin Azərbaycanda sosial müdafiə işinin gücləndirilməsi, yoxsulluğun aradan qaldırılması, işsizliyin ləğvi, miqrasiya proseslərinin tənzimlənməsi sahələrində həyata keçirilən məqsədyönlü tədbirlər və onların müsbət nəticələri barədə qonaqlara məlumat verib.

  • FOTO
  • VIDEO


XƏBƏRLƏR