FƏALİYYƏTİMİZ

27.04.2018

Şirvan şəhərində “Peşə seçimində valideynlərin rolu” mövzusunda növbəti peşəyönümü tədbiri keçirilmişdir.

2018-ci il aprelin 27-də Şirvan şəhər Məşğulluq Mərkəzi tərəfindən 13 saylı tam orta məktəbdə “Peşə seçimində valideynlərin rolu” mövzusunda  peşəyönümü tədbiri keçirilmişdir.

Tədbirdə  Dövlət Məşğulluq Xidmətinin nümayəndəsi Sevinc Şəmmədova, Təhsilin İnnovativ İnkişafı mərkəzinin təlimçisi Nərmin Məmmədova, Məşğulluq Mərkəzinin direktoru Fərzəli Hüseynli, mərkəzin mütəxəssisləri,  yuxarı sinif şagirdləri və onların valideynləri iştirak etmişlər.

Tədbirin giriş  sözü  Şirvan şəhər Məşğulluq  Mərkəzinin  direktoru  Fərzəli  Hüseynli açmışdır.

27.04.2018

Qəbələ rayonunda işəgötürənlərin iştirakı ilə dəyirmi masa keçirilib.

Təsdiq edilmiş qrafikə uyğun olaraq Qəbələ rayon Məşğulluq Mərkəzinin təşkilatçılığı ilə 26 aprel 2018-ci il tarixdə Qəbələ Peşə  Tədris Mərkəzində Rayon İcra hakimiyyətinin məsul işçisi Nail İsazadənin, DİİHİXİ-nin Qəbələ rayon Komitəsinin sədri Pərviz Sabirlinin, yerli əlaqələndirmə komitəsinin üzvlərinin, sahibkarların, idarə, müəssisə və təşkilatların rəhbərlərinin iştirakı ilə “Sığorta ödənişi alan şəxsin işsiz kimi qeydiyyata alınma və ya yenidən qeydiyyata alınma şərtlərinin və müddətlərinin müəyyən edilməsi Qaydası”  mövzusunda dəyirmi masa keçirildi. 

27.04.2018

“Düzgün peşə seçimində valideynlərin rolu” mövzusunda İsmayıllı və Ağsu rayon Məşğulluq Mərkəzləri tərəfindən peşəyönümü tədbirləri keçirilmişdir.

26 aprel 2018-ci il tarixdə İsmayıllı rayon 3 nömrəli məktəb-liseydə və Ağsu rayon 3 saylı orta məktəbində yuxarı sinif şagirdlərinin, onların valideynlərinin və  müəllimlərinin iştirakı ilə “Düzgün peşə seçimində valideynlərin rolu” mövzusunda  peşəyönümü tədbirləri keçirilmişdir. Tədbirlərdə məktəblərin müəllim və psixoloqları, Dövlət Məşğulluq Xidmətinin  nümayəndəsi Rəşad Əsgərli,  Təhsilin İnnovativ İnkişafı Mərkəzinin təlimçisi Seymur İlham və Məşğulluq Mərkəzlərinin mütəxəssisləri çıxış edərək düzgün peşə seçimi ilə bağlı həyat təcrübələrindən nümunə gətirərək mövzu ilə bağlı öz fikirlərini səsləndirmişlər.

 

26.04.2018

Salyan və Hacıqabul rayonlarında “Peşə secimində valideynlərin rolu” mövzusunda peşəyönümü tədbirləri keşirilmişdir.

26.04.2018-сi il tarixdə Dövlət Məşğulluq Xidməti tərəfindən Salyan rayon və Hacıqabul rayon   Məşğulluq Mərkəzlərinin təşkilatçılığı ilə Salyan rayon Əliağa Kürçaylı adına Texniki Fənlər Təmayüllü 7 saylı məktəbdə və Hacıqabul şəhər 9 nömrəli məktədbə “Peşə secimində valideynlərin rolu” mövzusunda peşəyönümü tədbiri keçirilmişdir.

25.04.2018

Oğuz və Qəbələ rayonlarında yuxarı sinif şagirdlərinin düzgün peşə seçimi ilə bağlı tədbirlər keçirilmişdir.

Peşə seçimi hər bir şəxsin uğurlu gələcəyinin təminatıdır. Ona görə də hər kəs peşə seçərkən düzgün seçim etməlidir. Peşə seçərkən gənclər psixoloq, valideyn, müəllimlərin məsləhət və tövsiyələrindən faydalandıqdan sonra qərar qəbul etsələr daha doğru yolda olarlar. Bəzən valideynlər övldlarının fikrini öyrənmədən, onların qabiliyyətini, bacarıqlarını nəzərə almadan öz istədikləri peşələrdə uşaqlarını görmək istəyirlər. Valideynin istəyi ilə seçilən peşədə uşaq heç bir uğur qazana bilmir, çünki uşağın bu peşəyə sevgisi olmur. Ona görə də gənc mütləq qaydada öz istəyi ilə meyl və marağına uyğun olaraq düzgün peşə seçməlidir ki, gələcəkdə böyük nailiyyətlərə imza atsın, öz sənətinin əsl peşəkarı olsun. Bu fikirləri Oğuz şəhər 3 nömrəli məktəb-litseydə və Qəbələ şəhər 1 saylı orta məktəbdə keçirilən peşəyönümü tədbirlərində çıxış edən tədbir iştirakçıları qeyd etmişlər.

 

25.04.2018

Cəlilabad və Biləsuvar rayonlarında “Peşə seçimində valideynlərin rolu” mövzusunda peşəyönümü tədbiri keçirilmişdir.

Dövlət Məşğulluq Xidməti tərəfindən 25 aprel 2018-ci il tarixində Cəlilabad şəhər Nizami adına 1 nömrəli Humanitar və Təbiət fənləri Təmayüllü Məktəb-Liseydə və Biləsuvar rayonu, Müşviq adına 2 saylı Xırmandalı kənd tam orta məktəbdə “Peşə seçimində valideynlərin rolu” mövzusunda növbəti peşəyönümü tədbirləri keçirilmişdir. Tədbirlərdə Dövlət Məşğulluq Xidmətinin əməkdaşı Sevinc Şəmmədova, “Təhsilin İnnovativ İnkifafı” Mərkəzinin təlimçisi Nərmin Məmmədova,məktəblərin direktorları müəllim heyəti ilə yanaşı yuxarı sinif şagirdləri və onların valideynləri, iştirak etmişdir.